Plantun de Prouvènço

Pèr coumpara dos planto d'encò nostre

Bupleurum ranunculoides subsp. telonense & Ononis spinosa subsp. antiquorum

Bupleurum ranunculoides subsp. telonense

Apiaceae Umbelliferae

Noms en français : Buplèvre fausse renoncule, Buplèvre de Toulon.

Descripcioun :
Planto que se recounèis à si noumbróusi fueio basalo estrecho e molo e peréu à si bratèio toujour aqui e larjo. La subsp. telonense se destrìo dis autro qu'a de cambo ramificado e de bratèio pas trop grosso. Coumpara emé la subsp. ranunculoides.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 200 à 1400 m
Aparado : Noun
Remarco : Planto endemico

Liò : Colo - Roucaio - Founs de gorgo
Estànci : Pancaro entresigna
Couroulougi : Pancaro entresigna
Ref. sc. : Bupleurum ranunculoides subsp. telonense (Gren. ex Timb.-Lagr.) Bonnier, 1921

Estanco-biòu

Ononis spinosa subsp. antiquorum

Fabaceae Leguminosae

Àutri noum : Tanco-biòu, Restanco-biòu, Avagoun, Ajagoun, Lènte.

Noms en français : Bugrane épineuse, Bugrane des anciens.

Descripcioun :
Aquesto planto pulèu bèn couneigudo, trachis dins la garrigo, tepiero seco e ermas. Dins li champ, emé sa forto racino fasié tanca l'arraire adounc li biòu, d'ounte lou noum; la subsp. presentado eici, dóu miejour de Prouvènço, èi di proun espinouso.

Usanço :
L'estanco-biòu èi couneigu desempièi li gre (Galien) pèr faire parti li graviho dóu ren ; defèt, la racino èi proun diuretico (mai sènt proun marrit). La planto èi vertuouso tambèn contro lou ràumi de pèu (eczema) bonodi si prouprieta anti-enflamativo. Èi peréu anti-bateriano (gagarisme pèr lou mau de gorjo), lucho contro li champignoun e mai enca.